Questo sito impiega cookie come descritto nella informativa. Continuando la navigazione si esprime consenso a tale impiego

Magazine: L'Indiano

Sto anno Pasqua xè arrivada sai presto, me par ieri che magnavo el panetton col torron e semo za’ alle colombe e le titole!

Per Pasqua se festeggia Gesu’ che xè risorto in cielo, e uno dei simboli xè la colomba bianca.

Questa festa me piasi sai (a dir el vero mi me piasi tutte le feste) perché xè una tradizion antica, vecia. In sto periodo arriva anche la primavera, le giornate se slonga, fa piu’ caldo, xè el sol e no servi piu’ metter bereta e siarpa.

Mi dove che stago ad Aquilinia go un bel giardin, e in primavera spunta tanti bei fiori e l’erba vien alta.

De noi a Trieste per Pasqua se usa far dei dolci tipici:la pinza, la titola e la putizza. Se fa anche i ovi duri colorati coi pulcini.

A mi i me regala anche i ovi grandi de cioccolata, anche qua all’ANFFAS i ne da’ uno.

Mamma per el pranzo pasquale la fa la gelatina che mi me piasi sai.

A sto punto no me resta altro che augurar a tutti BONA PASQUA E BONI OVI A TUTTI !!!!!